整容需谨慎！Do姐颈甩皮、陈淑兰面僵硬，她更因美容事故惨变「殭尸」半年！

艺人靠面口搵食，唔少女星为贪靓都曾经接受医学美容，整得靓固然相得益彰，但唔少医学美容都存有风险，有女艺人轻微嘅试过甩皮、严重嘅试过灼伤，有人甚至搞到面部僵硬，结果贪靓不成仲要受皮肉之苦。

郑裕玲 颈甩皮

一向对仪容一丝一苟嘅Do姐郑裕玲，07年出席活动时，被发现颈部大幅度甩皮兼红咗一大片，由于甩皮情况甚为触目，即成传媒焦点。

事后Do姐承认原来正接受为期一个礼拜嘅果酸换肤疗程，当时Do姐话：「果酸换肤疗程期间唔应该晒太阳同焗桑拿，我忍唔住去咗焗桑拿，我颈部皮肤又特别薄，所以咪搞到咁囉！」

邝美云 手灼伤

邝美云（Cally）喺2000年接受激光脱毛治疗，当时美容院指「甩焦」后，皮肤就回复光滑，点知Cally手脚伤口一直未好，原来惨遭激光灼伤，玉臂同大腿被灼烂。

为咗遮疤痕，多年嚟Cally都要着长袖衫裤遮掩，亦因此令接下嘅广告大受影响。事后Cally一度入禀索偿千万。

陈淑兰 面僵硬

陈淑兰（兰子）14年接受周刊访问，自爆早年颈部注射肉毒杆菌毒素美容，点知注射完身体不适需要停工。

兰子话打针后，笑肌位变得僵硬，更可怕系出现口齿不清、吞唔到嘢同呼吸困难等副作用，就连膀胱功能亦受影响，好难忍尿，试过有次透唔到气，令佢一度有濒死嘅感觉。

而更惨的还要说说艺人郑伊娜（Ena），佢因贪靓中伏，前年在美容院扮靓䧟入美容事故，导致双颊至下巴微丝血管爆裂，之后面部出现颗粒，更有一挞挞红印，向来肤质甚佳的郑伊娜，霎时惨变“烂面女”，几乎毁容。

因为毁容更导致情绪抑郁恐惧，最后冇收入冇钱交租，山穷水尽靠父母接济，一年劲啪超过一千粒药，搞到女性器官机能出现问题，完全崩溃。

Ena形容过去一年半为殭尸生活，重提生活苦况都激动眼湿湿，佢话：「伤咗块面有疤痕同毁容冇分别，唔好讲艺人，普通人皮肤伤咗都唔开心，嗰刻我以为未必可以喺呢行发展。工作、生活都受影响，唔可以见阳光，要戒口，连厨房有光透入屋我都即刻弹开。」

为快复完不断求医，人生未睇过咁多医生，亦冇食过咁多药，Ena话：「期间食啲药一定过千粒，食同揸嘅药膏都好劲，每日只有四小时系有精神，任何人都唔想见，情绪病、抑郁症、人群恐惧症，试过喺街上见到人好热闹，我就喊，依家讲起都想喊，件事太漫长。」

2014年嗰时佢同亚视约满从新开始，同一日就遇上事故，喺新公司倾好节目、广告全部损失几百万元，庆幸无被反告赔偿，Ena话：「之后一路冇收入，不断支出睇医生，唔好谂身边啲人会谅解你，有啲人会落井下石，俾说话你听，成年几以嚟，我见过朋友一只手数哂。当时觉得自己好丑，一照镜会好抆，不断问自己点解，食咁多药同揸咁多嘢都唔好，到底边个真正帮到我。」

情绪病期间，佢曾经素颜参与一个慈善活动，但因带口罩被工作人员直指影响大合照构图好肉酸，落台后令Ena哭崩。

及后经家人好友鼓励，慢慢放下抑郁情绪，Ena呼吁大家要乐观正面，依家正式重投工作，Ena话：「主力向国内发展拍电视剧，做内地节目，打开内地巿场，收埋咗咁耐，要追返之前年半条数，虽然爸爸妈妈冇追我数，但我都要俾返佢哋同生活。」

整容需谨慎啊！

☞转载授权微信：lama129

☞ 商务QQ：1900556960

☞投稿邮箱：tghkchannel@163.com

推荐几款又污又好玩的小游戏给大家

无需下载

点击“HKChannel”菜单栏就能玩！

Mr.H每天也偷偷的在玩哦！

2017让我们一起闯关吧！

↓↓↓戳阅读原文无需下载，点击即玩更多好玩的游戏！