林家谦演唱会 忧唔够歌早散场获林夕鼓励：王菲都係10点3完（组图）

唱作人林家谦（Terence）一连7场《Summer Blues》红馆圆满结束，几乎每晚都感触落泪的他受访表示完骚后颇为失落，且红馆骚波折重重，他又自认不够时间练歌而深感压力，百感交杂之下泪洒舞台。林家谦表示最终无法按照原本舞台设计开骚略感失望，同时担心粉丝不能放鬆心情睇骚，他说：“有人可能会带住一种複杂心情睇骚，唔知观众入嚟安心欣赏呀，定担心我呢，我又好开心Feedback返嚟发现大家睇得开心。”林家谦认为成个骚“比想象中好”，故自我评分有8至9分。

林家谦尾场再度泪洒舞台。（叶志明 摄）

林家谦今次挑战跳舞令不少粉丝大感惊喜，他却指那是“手语”而非跳舞，他笑言：“我又冇好抗拒，咪俾自己试下，但我知我跳舞唔会就係嗰种好有型㗎啦，一定Kai Kai哋嗰啲囉，大家睇得开心咪得囉。”林家谦不怕再跳舞：“嚟咪嚟囉，怕你呀？”他又承认为出骚减到26吋腰，但并非如Serrini所指练成6块腹肌。

Tyson Yoshi公主抱林家谦。（叶志明 摄）

林家谦演唱会嘉宾名单星光熠熠，说起陈奕迅（Eason），林家谦承认已一早邀请他做嘉宾，林家谦说：“好早已经搵咗佢㗎啦，佢扭扭拧拧㗎嘛，佢话佢心入面想做已经留咗期畀我嘅，又一路都唔想俾我知住。”

陈奕迅为林家谦献唱《致明日的舞》以及《今日》。（资料图片）

另外，邓小巧专程从加拿大飞返港出骚亦令林家谦心怀感激，但邓小巧回港过程之波折却令他颇为担心，“我都Check住佢，问佢有冇嘢要帮手，惊佢一个女人仔喺机场留咁耐都惊㗎嘛，如果瞓机场都惊㗎嘛！都戥佢担心，好多谢佢，4个钟之内决定执包袱，离开佢老公，连佢老公都诈型，点解咁早走而家，要还返个交代俾佢，係跟我走。”但他表示邓小巧能够顺利亮相已是最好的生日礼物。

林家谦给邓小巧递上纸巾。（叶志明摄）

林家谦在尾场特意感谢林夕鼓励，他忆述：“林夕有一晚佢Feel到我好唔开心咁样，但係佢打本身係嚟倾无聊嘢，但讲讲下又讲咗骚，当中佢畀咗好多鼓励我，我有搵佢话开骚点算呀？我唔够歌我係咪可以做史上最少歌，可以10点完嘅歌手呀？佢话得，王菲以前都10点3就得㗎啦！我话而家呢个年代唔得，唔Encore係一个罪嚟㗎喎！咁但係我觉得有啲嘢足够就Ok，就好似食到最饱反而唔係最好味。”

点击睇林家谦尾场靓相：