薛家燕赞成邓兆尊重返娱圈：佢系人才

薛家燕在电视城录影《流行经典50强》，对于祥嫂指邓兆尊想重投娱乐圈，家燕表示：「几个礼拜前我有搵过兆尊，因为依家夜晚重播紧《皆大欢喜》，我就问兆尊想唔想上嚟《流行经典50强》一齐玩呀？可以搵埋陈彦行，佢哋成班《皆大欢喜》嘅演员一齐上嚟喎，都等紧佢哋畀期。（支持兆尊重返娱乐圈？）兆尊好呀！佢系个人才！」

谈到主持这节目，家燕说：「做呢个节目最开心就系搵到好多朋友上嚟一齐玩，我都谂紧点样还番啲人情畀呢班老友，计划紧可唔可以约埋一齐去登台，不过我2017年好忙，都要夹一夹时间。呢个节目我由本来做4集，加到8集，依家最新系加到做9集，再要加就可能要等我4月做完嘢先至再安排到时间。」

得黎燕珊秘笈　杨怡生B唔可以草率

艺人杨怡现身李漫芬婚宴，她说：「嚟到即时谂起自己婚礼，都唔系结咗好耐，佢哋好温馨，嘴得好肉紧呀！（准备咩礼物？）都系人情，祝佢的永结同心，快啲生B！（咁你又几时生？）随缘啦！唔可以草率，要调理吓身体，等我忙完手上工作先，唔调理吓惊怀孕唔到，依家就食好啲瞓好啲。（有生仔秘方？）冇呀！（向妈妈取经？）黎燕珊有短讯我啲秘方！系靠计日子。（睇埋时辰？）又唔系喎，自己冇乜研究，对唔住阿珊姐，唔知秘方仲喺唔喺度！」

杨怡又透露老公罗仲谦正身在无锡拍戏：「我冇去探班，知佢化个妆好辛苦，讲嘢都讲唔到，佢唔想我见到佢辛苦，大家有视讯见面。」

黎诺懿教仔用利诱：一张张五百蚊塞畀佢

黎诺懿、宋熙年、罗天宇等在尖沙咀出席无綫明珠台《第八十九届奥斯卡颁奖典礼》记者会。正拍摄TVB饮食节目《马家开饭》的黎诺懿表示三月中会飞到日本工作，问为何会放心预产期四月的老婆李洁莹一个人留港，他即指家佣会帮手照顾：「同埋『鸡仔』都好生性！（会紧张？）第一日老婆同我讲佢有咗时就紧张，依家就冇乜感觉，我谂等BB出世后同佢有互动就会有感触。」问会否惊凑「鸡仔」时对方会反抗、扭计，他直言因自己在家族中最迟生B，因此之前已帮手照顾过五个小朋友，识得换尿片、冲凉：「啲BB不知几锺意我，当我玩具咁玩！如果个仔反抗，我就即刻掉番畀老婆！」更笑指若然囝囝日后不黐他，会用物质利诱对方：「一张张五百蚊塞畀佢，叫佢跟爸爸！」

张文慈心急结婚恨抱B

加入无线工作之后，张文慈（Pinky）很快与台前幕后打成一遍，日前更获邀出席陈明恩婚礼，与大批同事玩合照。原来事后Pinky更搵到人当柴可夫送返家，令她大感窝心﹕「个柴可夫咪修哥（胡枫）萝，佢真系好风趣，我叫佢出到九龙放低我，佢竟然喺条公路讲：『呢度九龙勒，咁我放低你喎。』真系唔够佢玩。其实开工嘅时候，佢同罗兰姐都成日同我倾咗好偈，获益良多。（搵风趣男友？）如果早廿年，直头爱上修哥啦，呢类男友梗唔错，生活一定唔枯燥。」

一向视弟弟爱儿如己出的她，早前特意为小朋友举行1岁生日派对，抱起姪儿影合照时，Pinky母爱泛滥。她笑说﹕「梗系想快啲有自己小朋友啦，嗰日去完明恩嘅婚礼，我都系度谂，究竟几时轮到自己，到时我嘅婚礼又会以咩形式举行呢？」

揭童年无聊　网爆忆莲《歌手》将夺第一

天后林忆莲参加的内地歌唱节目《歌手》播出了第六集，忆莲回到曾就读的玛利曼中学。被问可有校园趣事？她笑说：「没有，其实真的，我挺无聊，没甚麽特别。（参加活动？）我是打篮球的，不要问我为甚麽，我没有特别选这个运动，是老师选我的。（看中你甚麽？）可能我的腿够粗！」又指曾参加合唱团，唱女中音，但不是领唱。

而忆莲表示是从另一间小学转来这间中学，所以头三个月没有朋友：「三个月之后就交到很好的朋友，我是很内向的，都是躲在一旁那种，后来到了DJ，也希望没那麽多人知道，反正我觉得很害羞。」

另外，有网民已率先大爆下集节目的赛果，有指忆莲将演唱《蓝莲花》，并首夺第一名！下集将加入「逆转歌手」李健及「挑战歌手」张碧晨，李健夺第二名，但张碧晨就排包尾，踼馆失败被淘汰。

☞转载授权微信：lama129

☞ 商务QQ：1900556960

☞投稿邮箱：tghkchannel@163.com