拍拖8周年，多情种孙耀威与女友陈美诗今年拉埋天窗，秘密筹备婚礼！

现年44岁的孙耀威，1992年参加台湾举行的青春之星国际音乐大赛后，获得优异奖，其后签约加入娱乐圈。

孙耀威本身系高材生，自小成绩优异，唔知系咪因为咁，为佢加咗好多分，入行近25年，佢嘅绯闻女友虽不至于要列张清单嚟计，不过都唔叫少，圈内圈外踲都有。

好在呢只雀仔飞呀飞，终于都肯修心养性，定落嚟娶陈美诗。

孙耀威同36岁女友陈美诗（Macy）爱情长跑8年，年前曾传两人已秘婚，但佢哋都否认。据知，两人今年真系结婚啦，依家秘密筹备紧婚礼，下月出发到墨尔本、悉尼、柏斯等地影浪漫婚纱相㖭。

近日，孙耀威在社交网贴送花相庆祝拍拖8周年，佢写道：「SURPRISE！虽然我要拍戏，但也希望你：8周年快乐！∞周年快乐！」仲赞自己「其实我都几浪漫」「女人收花冇得输」。

原来老孙早已计划娶老婆，记者致电向准新娘Macy恭喜，佢口密话：「吓！你收到呢个风？我都未收到喎。」问到系咪要保持秘密？Macy难掩笑声：「唔系喎，我真系未收到，啱啱庆祝咗8周年咗，但我冇收到呢个风喎，系咪surprise嚟㗎？可能系都唔定，呢个搞笑啫。」

记者笑谓教徒唔好讲大话，Macy笑得好开心，但依然话：「我收到确实嘅风，再话畀你听呀，睇下系咪空穴来风，可能有人知我唔知，可能系surprise。」系咪等搞掂仪式才公开？佢强调：「唔系呀，我真系冇收到风，要问一问佢先知，等我八卦下先。」问到结婚系咪会公布？Macy表示：「咁如果有好消息可以讲，当然会话畀大家知，开心嘢嚟嘅㗎。」

8年系时候结束爱情长跑，Macy话：「我帮你提供呢个消息畀佢听呀。」问到男友求婚未？Macy话：「可能佢想一次过畀surprise我都唔定，保持住神秘先。」问到心目中嘅梦幻婚礼？Macy话：「我冇谂㗎，surprise就得，哈哈哈，最紧要开心，唔使话乜特别嘢，香港同外地都冇乜所谓。」系咪嫁硬老孙呢？Macy扮矜持：「唔，睇吓啦，谂一谂先，哈哈！都会朝呢个方向嘅。」心急做妈咪？佢话：「唔心急，一直随遇而安，觉得自有安排。」

至于老孙就冇听电话，只透过whatsapp语音回覆：「我拍紧戏呀，呢啲风成日都咁收，Macy啱啱send message话我知啦，哈哈！冇吖，未定呀，乜都未定呀，真系多谢大家关心呀，迟啲等有消息，等我自己都知道先得㗎，哈哈，有消息到时再话畀你知，多谢关心。」

恭喜恭喜

☞转载授权微信：lama129

☞ 商务QQ：1900556960

☞投稿邮箱：tghkchannel@163.com

推荐几款又污又好玩的小游戏给大家

无需下载

点击“HKChannel”菜单栏就能玩！

Mr.H每天也偷偷的在玩哦！

2017让我们一起闯关吧！

↓↓↓戳阅读原文无需下载，点击即玩更多好玩的游戏！