情不自禁？杨幂刘恺威当街激吻

大陆神剧《三生三世十里桃花》令杨幂再次攀上事业高峰，其姑姑的造型深入民心，食住呢条水，最近她为杂志拍摄封面时亦以古装亮相，古风依然时尚，大获好评！淡扫蛾眉的她轻挽发髻，坐在桃花树下，妩媚动人，网友都大呼好有仙气！

另外，屡传婚变的杨幂与丈夫刘恺威，早前合体出席女儿小糯米的学校运动会，近日又有网友声称拍得两人当街激吻照，网友留言是嗌闪到盲！虽然相片松郁蒙，好难确定是否当事人，但网友都希望他们两夫妻恩爱如昔。

林頴彤晒腿鬼祟会男友

无线小花林頴彤（Bella）早前翻挞奀星男友容天佑，更被踢爆玩地下情，为保事业两人拍拖更极为低调。日前Bella便于傍晚约七时，独自现身中环，当日悉心打扮的她穿上短裙晒美腿，见她于该处商场闲逛，但逢店必入的她最终却没甚斩获。及后Bella接到电话便匆匆往商场外等车，期间被途人认出时，见她表现得十分避忌，随即低头揿电话，未几即见男友容天佑驱车前来接载，Bella四处张望一番后即鬼祟上车，与男友往二人世界。

请星爷出镜　林子聪：3秒3百万都值

导演林子聪、监制黎文卓、嘉宾冼国林、刘钖贤、陈浩民等近日晚上在金钟出席“首影之夜”活动。内地电影公司将会投资三亿拍摄多部电影，包括林子聪执导的《喜剧之星》，讲到新片投资大？林子聪说：“喺内地拍戏投资太细好难上画，上得画嘅电影都要有一定规模，呢套估计投资都会过亿，要睇搵到咩演员拍，因为上面演员嘅档期竞争得好犀利。（题材？）会系一啲细嘅题材，唔会好大规模，会温情啲，因为内地电影欠缺有人情味嘅电影。（搵咗咩演员？）梗系搵自己啲兄弟啦陈国坤、田启文、林雪、仲想搵吴孟达。（会唔会搵周星驰？）情商到先得架，拍《美人鱼》嗰阵，我衣柜出嚟嗰场戏3秒戏原本想佢拍，我凼咗佢廿几日，初初佢都有啲心动，服装都准备好，临到拍嗰阵佢话，肥仔都系你嚟拍，其实套衫唔啱我着，所以其实后面系开咗口。（如果请周星驰拍3秒三百万值唔值？）直情抵啦，有得睇周星驰喎。

我都有问过佢咩导演先肯，史提芬史匹堡？昆顿塔伦天奴？王晶？刘伟强？王家卫？但系佢都冇点头。（新片问吓佢意见？)会架，其实我每套戏都会问佢意见，系要比佢闹吓先得，可能我犯贱啦。”讲到《美人鱼》失落金像奖，他说：“星爷好似唔喺香港嚟唔到，输咗冇乜所谓啦，对手好强。

「打尖」出世！黎诺懿笑囝囝好百厌

‍

艺员黎诺懿与老婆李洁莹的爱情结晶品「小春鸡」今早于养和医院出世，BB出世重6.6磅，母子平安，恭喜！恭喜！「小春鸡」预产期原本是16日，李洁莹亦打算顺产，但最后仍接受医生建议「打尖」开刀分娩，黎诺懿表示：「老婆本来坚持顺产生，但呢几日感觉唔同平时，医生检查话老婆就生得，但系BB未转头，个头未入产道，同埋个仔个头比较大，建议开刀生，帮我哋打尖安排产房。开刀嗰阵个仔都好百厌，左闪右避，最后医生要用吸盘吸佢出嚟。」

黎诺懿指初为人父心情好得意，感觉神奇，但因星期日才决定翌日开刀生BB，给老婆「诈型」由求婚、结婚到生仔也十分仓猝。问到黎诺懿觉得仔仔似他还是妈妈？他笑说：「啲人话个样就似妈咪，我觉得对眼似我。」黎诺懿因为笃信风水，仔仔名字会交给师傅改，英文名会由老婆改，他说：「凑仔就唔系问题，因为已经喺我哋两个家族嘅第八个BB，所以好熟手。」

应承尽力造人！孙耀威陈美诗出双入对

歌手孙耀威（Eric）最近被传和女友陈美诗结束8年爱情长跑，今年将拉埋天窗，本月更到澳洲拍婚纱照，两人未正式公布喜讯前，近日频频孖公仔出现，日前就拍住拖探访刚生完bb的车婉婉，之后又结伴欣赏薛凯琪演唱会。

Eric接受媒体访问时透露和车婉婉相识逾20年：「我喺香港出道时已识婉婉，大家一路都好啱倾，我哋仲合唱过一首《再见亦是恋人》嘅歌，嗰日婉婉生咗后就Send咗讯息通知我，我第二日趁拍电影嘅食饭时间就去睇吓佢同bb囉。」Eric大赞婉婉的bb好得意又大只，问何时到他生bb？他笑住说：「尽力啦，多谢关心。」

☞转载授权微信：lama129

☞ 商务QQ：1900556960

☞投稿邮箱：tghkchannel@163.com